புதுக்கோட்டை மாவட்டம், கந்தர்வகோட்டை அருகே காட்டுநாவல் கிராமத்தை சேர்ந்தவர் தமிழழகன் (22). இவர், டூவீலரில் தனது உறவினர் வீட்டு திருமணத்தில் கலந்து கொண்டு வீட்டிற்கு திரும்பி வந்து கொண்டிருந்தார்.
அப்போது தஞ்சாவூர்-புதுக்கோட்டை தேசிய நெடுஞ்சாலையில் தெத்துவாசல்பட்டி பஸ் நிலையத்தின் அருகில் வந்தபோது, அந்த வழியாக வந்த கார் எதிர்பாராதவிதமாக டூவீலர் மீது மோதியது.
இதில் படுகாயமடைந்த தமிழழகனை அந்த வழியாக வந்தவர்கள் மீட்டு சிகிச்சைக்காக தஞ்சாவூர் அரசு மருத்துவக்கல்லூரி மருத்துவமனைக்கு அனுப்பி வைத்தனர். அங்கு நேற்று சிகிச்சை பலனின்றி தமிழழகன் பரிதாபமாக இறந்தார். இதுகுறித்து கந்தர்வகோட்டை போலீசார் வழக்குப்பதிவு செய்து விசாரணை நடத்தி வருகின்றனர்.