புதுக்கோட்டை மாவட்டம் பொன்னமராவதி அருகில் உள்ள செவலூர் வாஸ்து கோயில்.

276

புதுக்கோட்டை மாவட்டம் பொன்னமராவதி அருகில் உள்ள செவலூர் வாஸ்து கோயில்.

ஆரணவல்லி தாயார் சமேத
ஶ்ரீ பூமிநாதர் சுவாமி ஆனந்த தரிசனம் முடித்து சுவாமி சன்னதியில் ராஜப்பா குருக்கள் அவர்களுடன் அமர்ந்திருக்கும்போது …..

கிராமத்து பாட்டியும் பேத்தியும் வந்து மஞ்சள் கிழங்கு பூத்திருக்கும் அதிசயமான மஞ்சள் கிழங்கு செடியை சுவாமியிடம் பூமிநாதர் திருமேனியில் வைக்க கொடுத்தார்கள் . நா இப்போது தான் முதல் முறை இதை பார்க்கிறேன் .
பொங்கல் அன்று பொங்கப் பானையில் கட்டுவதற்கு மஞ்சள் கொத்து வாங்குவதோடு சரி.
அதிசமா பார்த்தேன்……

கிராமங்களில் வயலில் தோட்டத்தில் வீட்டில் எது விளைந்தாலும் முதலில் சாமிக்கு கொடுக்க வேண்டும் பிறகுதான் நமக்கு என்ற நம் கிராமிய கலாச்சாரத்தை பண்பாட்டை அடுத்துவரும் புதிய தலைமுறைக்கு
எடுத்துச் சொல்லி தன் பேத்தியை கோயிலுக்கு அழைத்து வந்து சுவாமிக்கு சமர்ப்பித்த காட்சி என்னை நெகிழ வைத்தது.

எந்த வித எதிர்பார்ப்பும் இல்லாமல் வெள்ளந்தியா அன்போடு வாங்கி சுவாமிக்கு படைத்த
ராஜப்பா குருக்கள் அவர்களின் சேவையும் கருணையும் அருள்மிகு பூமிநாதசுவாமியின்
பரிபூரண திருவருள் 💜🙏🌹

.
#மஞ்சள் #கொத்து #ஶ்ரீ #பூமிநாதர் #சுவாமி #ஆரணவள்ளி #தாயார் #வாஸ்து #கோயில்

ஹரி ஓம் !
மகிழ்வுடன் காலை வணக்கம் !

நாளை
🌼🌿🌼வாஸ்துநாள்🌼🌿🌼
26.01.2023 வியாழக்கிழமை இந்த வருடத்தின் முதல் வாஸ்து நாள்

வீடு இல்லாதவர்
சொந்த வீடு வாங்குவது உறுதி .
வாஸ்து தோஷம் நீங்க .
எல்லா பிரச்சனைக்கும் தீர்வுகாண .

புதுக்கோட்டை மாவட்டம் . பொன்னமராவதி அருகில் உள்ள #செவலுர் #வாஸ்துகோயில் சென்று ….
ஸ்ரீ ஆரணவல்லி தாயார் சமேத
ஸ்ரீ பூமிநாதரை
தரிசித்து …. #பிராத்திக்க
நல்ல தீர்வு கிட்டும் …
ஒருமுறை சென்று வாருங்கள் …!

சென்றுவந்து
மேன்மை அடைந்தோர் ஏராளம்

🌼🌿🌼🌿🌼🌿🌼🌿🌼🌿🌼🌿🌼🌿🌼🌿🌼

செவலூர் பூமிநாதர் திருக்கோயில், புதுக்கோட்டை மாவட்டம்

#அருள்மிகு #பூமிநாதர் #திருக்கோயில்

மூலவர் : பூமிநாதர்
அம்மன் : ஆரணவல்லி
தீர்த்தம் : பிருத்வி தீர்த்தம்
பழமை : 500-1000 வருடங்களுக்கு முன்
ஊர் : #செவலூர்
மாவட்டம் : புதுக்கோட்டை
மாநிலம் : தமிழ்நாடு

திருவிழா:

சிவராத்திரி, பங்குனி உத்திரம், திருக்கார்த்திகை, மார்கழி திருவாதிரை

தல சிறப்பு:

செவலூர் அருகிலுள்ள பிருத்வி தீர்த்தம் இன்று சாதாரண குளமாகத் தோற்றமளிக்கிறது. இதன் மகிமை அளவிட முடியாதது. பித்ரு தர்ப்பணத்துக்கு ஏற்ற தீர்த்தம் இது. இத்தலத்து லிங்கம் பல பட்டைகளைக் கொண்டது. பூமாதேவி இந்த லிங்கத்தை பூஜித்த போது, ஒவ்வொரு யுகத்திலும் மஞ்சள் காப்பு, சந்தனக்காப்பு, கஸ்தூரி காப்பு, வெண்ணெய் காப்பு, மூலிகை காப்பு என பலவித காப்புகளை சார்த்தி பூஜித்ததால், இந்த பட்டைகள் உருவானதாக கூறப்படுகிறது. மகா விஷ்ணுவால் எழுப்பப்பட்ட புண்ணியத் தலம், மூலவர் லட்சுமி நரசிம்மர் மீது வருடத்தின் எல்லா நாட்களும் சூரியஒளி படுவது போல் கருவறை அமைந்திருப்பது வியப்பான ஒன்றாகும்!

திறக்கும் நேரம்:

காலை 6 மணி முதல் 12 மணி வரை, மாலை மணி 3 முதல் இரவு 8 மணி வரை திறந்திருக்கும்

முகவரி:

அருள்மிகு பூமிநாதர் திருக்கோயில் செவலூர் – 622 403, புதுக்கோட்டை மாவட்டம்.

#பிரார்த்தனை

பூகம்பம், நிலத்தகராறுகள் போன்றவை இத்தலத்து இறைவனை வழிபட்டால் நீங்கும்.

தடைபட்டுள்ள காரியங்கள், தொழிலில் தடை, கட்டட வேலைகளில் பாதிப்பு, விவசாய வளர்ச்சியின்மை, கட்டடம் கட்டும் போது வேம்பு, ஆல், அரசு போன்ற புனித மரங்களை வெட்டியதால் ஏற்பட்ட தோஷம், நாகப்புற்றுகளை அழித்த கொடுமை, கோயில் குத்தகையை கொடுக்காமல் ஏமாற்றியது, தொழில், வியாபாரத்தில் நஷ்டம், பணியில் கஷ்டம் ஆகிய துன்பங்களை அனுபவிப்போர் பூமிநாதருக்கு பூஜை செய்யலாம்.

இதுதவிர முதுகுவலி, மூலம், பிருஷ்ட நோய்களால் உட்கார முடியாதவர்கள் நிவாரணம் பெறவும் இங்கு விசேஷ பூஜை நடக்கிறது.

நேர்த்திக்கடன்:

பூகம்பத்தால் இறந்த ஜீவன்கள் நற்கதியை பெறவும், கோர்ட் வழக்குகள், உறவினர் பகை போன்றவற்றால் தடைப்பட்டுள்ள காரியங்கள் நிறைவேறவும் வாஸ்து நாளில் இங்கு வந்து விசேஷ பூஜை செய்தால் விமோசனம் கிடைக்கும் என்று சொல்லப்படுகிறது. வாஸ்து நாளை தவற விட்டால் செவ்வாய்கிழமைகளில் இப்பூஜையை நடத்தலாம்.



தலபெருமை:

வாஸ்து நாட்களில் விசேஷ பூஜை நடக்கும் கோயில்களில் ஒன்று.

தல வரலாறு:

இந்த உலகம் நான்கு யுகங்களைச் சந்தித்திருக்கிறது. இதில் முதல் யுகமான கிருதயுகத்தில், பூமாதேவி கடும் தவமிருந்தார். எதிர்வரும் யுகங்களில் பூமிபாரத்தை தாங்கும் சக்தியை அதிகரித்து தர வேண்டும் என்பது அவரது வேண்டுகோள். அவர் முன் தோன்றிய சிவபெருமான், இந்த திரேதாயுகம், துவாபரயுகத்தில் இப்பூமியைத் தாங்குவதற்குரிய சக்தியைத் தருகிறேன். ஆனால், கலியுகத்தில் இப்பூமியைத் தாங்கும் சக்தியைப் பெற இந்த தவம் போதாது.

உனது பக்தர்கள் உன்னை பூஜிப்பதன் மூலமே இந்த வலிமை உனக்கு கிட்டும். இதற்கு நாராயணனின் கிருபையும் தேவை என சொல்லி மறைந்தார். இவ்வுலகில் நல்ல பக்தர்கள் யார் இருக்கிறார்கள் என தேடியலைந்த பூமாதேவி, பல தலங்களுக்கும் சென்றாள்.

சென்ற இடமெல்லாம் ஆங்காங்கு இருந்த சுயம்பு மூர்த்திகளை பிரார்த்தித்தார். அவர் பிரார்த்தித்த மூர்த்திகளுக்கு பூமிநாதர், பூலோகநாதர் என்ற பெயர்கள் ஏற்பட்டது. அதில் ஒன்றே செவலூர் பூமிநாதர் கோயிலாகும்.

சிறப்பம்சம்:

அதிசயத்தின் அடிப்படையில்: இத்தலத்து சிவ லிங்கம் பதினாறு பட்டைகளைக் கொண்டது. பூமாதேவி இந்த லிங்கத்தை பூஜித்த போது, ஒவ்வொரு யுகத்திலும் மஞ்சள் காப்பு, சந்தனக்காப்பு, கஸ்தூரி காப்பு, வெண்ணெய் காப்பு, மூலிகை காப்பு என பலவித காப்புகளை சார்த்தி பூஜித்ததால், இந்த பட்டைகள் உருவானதாக கூறப்படுகிறது.

புதுக்கோட்டையில் இருந்து பொன்னமராவதி செல்லும் பஸ்களில் சென்றால் செவலூர் என்ற ஊர் வரும். இங்கிருந்து ஒரு km தூரத்திற்கு ஆட்டோவில் சென்றால் கோயிலை அடையலாம்.

.